Apropos of nothing
Bedwyr Williams
The artists in ‘Apropos of Nothing’ appear to have few discernible links between their practices. At face value they all appear to operate in different and idiosyncratic spheres of communication and expression. What they do share however, is the ability to take elements from the real world, idle moments or discarded objects, and transform them.
Nid oes llawer o gysylltiadau amlwg rhwng ymarferion yr artistiaid yn Apropos of Nothing. Ar yr arwyneb maent yn ymddangos i weithredu mewn gwahanol gylchoedd o gyfathrebiad a mynegiant. Er hynny, yr hyn sydd ganddyn nhw’n gyffredin, yw’r gallu i gymryd elfennau o’r byd go iawn - momentau segur neu wrthrychau hepgorol – a’u trawsffurfio nhw.
Yn y ffenestr cyflwynir Proposal for the Redevelopment of Withewood Comprehensive
Sports Field, 1974 gan Richard Higlett maes chwarae anhrefnus ble mae’r goliau i gyd yn amhriodol o briodol. Mae’r herwgipiad yma o fodelau pensaernïol manwl a’r ‘gêm hardd’ yn creu tir peryglus ar gyfer ei chwaraewyr, mae cystadleugarwch a rheolau anhyblyg yn cael eu trawsfeddiannu gan gêm mwy anhrefnus a chreadigol.
Ar gyfer Schadenfreude, mae Bedwyr Williams yn defnyddio lluniau o bapur newydd leol o raddedigion yn dathlu i sillafu’r gair ar wal yr oriel. Mae ei sylwebaeth ar baramedrau sefydledig Cymreictod a llwyddiant yn nodweddiadol o waith yr artist. Ymddengys yn wastad i fod mewn cyflwr o gwestiynu ac ailddarganfod y byd o’i gwmpas, a chawn ein cyflwyno gyda chyfres o weddillion a delweddau anghydweddol wedi eu cymryd o’i amgylchedd wrth iddo ddychwelyd i Gymru. Mae model plastig o Bedwyr yn eistedd ar y llawr yn gwrando ar radio leol ac yn edrych yn ôl ar ei waith, yn atgyfnerthu’i safbwynt fel dieithryn; mab afradlon yn dychwelyd. Gafaelia model yr artist ar gyfres o luniau, casgliad esgid ffugionol sy’n cynnwys y Kyffin a’r Bala, y bastiynau o gelf Gymreig ar y pryd yn cymryd lle yr Adidas neu’r ‘tic Nike’. Mae Bedwyr yn parhau’r modd yma o feddwl mewn dau ymyriad ar y llawr uchaf: caiff dwy gyfrol celf Gymreig eu dangos fel platiau coffaol, ond mae’r teitlau wedi’u newid, gan newid disgwyliad y gwyliwr o beth sydd rhwng y cloriau hefyd.
Ar yr ail lawr, mae Michael Murray hefyd wedi trawsffurfio eitemau hepgorol neu ddinod yn ei ddarn Plastic Rucksacks. Fe ddefnyddia deunyddiau anghonfensiynol i greu arbrofiadiau alcemegol gyda gweddillion bywyd bob dydd. Ymdodda bloc o floneg o dan gwres lamp, a thrwy gyfres o bwlïau a rhaffau y caiff sachau teithio plastig eu codi a’u gollwng i mewn i belydryn o olau. Mae prydferthwch y nos las a’r dydd melyn yn cael eu gwyrdroi i greu cylch o fywyd a marwolaeth gyda dauddeg pedwar cilogram o floneg.
Ar y llawr uchaf y gallwn glywed swn swyddfa brysur cyn i ni weld The Interludes gan Richard Higlett, ond mewn gwirionedd mae hi’n bell o fod yn swyddfa brysur: mae e’n archwilio’r eiliadau pan mae’r ymennydd yn segur ond eto yn greadigol. Ar waith fideo aml-sgrin mae’n cydosod ticiau isymwybodol gweithwyr swyddfa i greu symffoni ddatgymalog. Caiff breuddwydion ac uchelgeisiau’r gweithwyr eu rhyddhau mewn chwyldroad cerddorol. Mae taro amyneddgar bysedd yn tabyrddu agorawd Rossini i William Tell, daw rhathu ewin yn ysgubiad bwa feiolín wrth iddi rathellu Spring o’r Four Seasons gan Vivaldi. Mae cliciadau beiro yn troi i fod yn Montagues and Capulets gan Prokofiev, ac mae ewin yn tapio ar gwpan yn cael eu trawsffurfio i Morning y Peer Gynt Suite gan Grieg.
Os nad oedd y cipolwg yma ar segurdod yn ddigon, wrth iddyn ni fynd i lawr y grisiau mae cloch Bedwyr yn ein hatgoffa o’r amser yr ydym ni newydd dreulio yn edrych ar y gwaith. Mae dywediad Cymreig o’i dan yn datgan yn fygythiol taw ‘yr euog a ffu a neb yn ei erlid’.
Yn yr arddangosfa yma, mae’r artistiaid yn agosáu at bywyd bob dydd ac yn gweld pethau ar lefel arall: cerddoriaeth mewn diflastod ac arbrofiadau mewn gwastraff. Apropos o ddim, daw eu gweithiau yn propos o rywbeth. Does yna dim sydd yn ymwneud â dim a thra bod eu dechreuadau yn amrywiol mae’u defnydd o hiwmor a’u persbectif gwyrgam ar y pethau yr ydynt yn dod o hyd iddo yn llwyddo i ddenu a chythryblu’r gwyliwr.
- Bu’r artistiaid canlynol yn rhan o arddangosfa:
- Bedwyr Williams
- Richard Higlett
- Mike Murray
