Shiftwork

preview 2 March 2018

Shamus McPhee <i>Geddie, Gouris and Ganis (Boy, Girls and Hens) 1930s</i> 2015
Shamus McPhee Geddie, Gouris and Ganis (Boy, Girls and Hens) 1930s 2015

Mae Shiftwork yn dod â phedwar artist ynghyd sydd, drwy eu gwaith, yn tynnu allan nifer o faterion esthetig a gwleidyddol yn ymwneud â bywydau'r Sipsi, Roma a Theithwyr drwy eu cynrychioli'n ddiwylliannol. Cafodd rhai o'r gweithiau eu dangos yn flaenorol fel cyflwyniadau unigol fel rhan o'r prosiect ‘Gypsy Maker’; cysyniad arloesol a oedd yn torri tir newydd a gafodd ei ddyfeisio, ei berchnogi a'i ddatblygu gan the Romani Cultural & Arts Company. Y nod yw comisiynu artistiaid sefydledig a rhai sy'n dod i'r golwg i ddatblygu gwaith newydd sy'n ymgysylltu â chymunedau Sipsi, Roma a Theithwyr a'r gymuned ehangach mewn deialog ynghylch persbectifau celfyddydol a diwylliannol cyfoes. Caiff y prosiect 2018 hwn ei gefnogi gan Gyngor Celfyddydau Cymru, ac fe'i comisiynwyd gan the Romani Cultural & Arts Company.

Mae pob un o'r artistiaid yn defnyddio dull gwahanol – o arddull ddogfennol Artur Conka, un o'r Roma prin sydd wedi ffilmio ei gymuned ei hun, i osodiadau cerfluniol Daniel Baker sy'n archwilio ymfudo a symud rhydd. Mae gan baentiadau hynod Shamus McPhee ymdeimlad amlwg o 'gelf rhywun o'r cyrion' tra bo materion cymhleth rhywioldeb a rhywedd yn cael eu harchwilio yng ngwaith eclectig Billy Kerry. Mae'r dulliau unigryw hyn o edrych ar ddiwylliant cyfoes y Romani yn tynnu pobl ynghyd drwy dynnu sylw at y cysylltiadau rhwng cymunedau, tra bônt yn cydnabod ac yn dathlu gwahaniaeth ar yr un pryd. Ar gyfer y sioe hon yn g39 bydd nifer o'r gweithiau a gynhyrchwyd yn ystod y prosiect ‘Gypsy Maker’ yn cael eu harddangos, ochr yn ochr â gweithiau cydweithredol newydd a ddatblygwyd mewn deialog gyda g39.

  • Billy Kerry <i>Painted Lady Landscape</i> 2016
  • Daniel Baker <i>Canopy</i> 2015
  • Shamus McPhee <i>Geddie, Gouris and Ganis (Boy, Girls and Hens) 1930s</i> 2015
  • Billy Kerry <Fur Mickey Man and The Painted Lady</i> 2016
  • Artur Conka <i>Recipe series No. 7</i> 2016
  • Dan Baker <i>Analog</i> 2015
  • Daniel Baker <i>Mobile Surveillance Device</i> 2015
  • Shamus McPhee <i>No Mans Land</i>
  • Artur Conka <i>Recipe series No. 8 (Chicken Mayonnaise spread with Olives)</i>, digital print, 2016

Programme